Unha viaxe no tempo: Do Imperio Romano á Era dos Dinosaurios 
Este pasado mércores, o alumnado de 3º e 4º de primaria gozamos dunha saída moi especial relacionada co noso proxecto de centro deste curso. Viaxamos ata Lugo para mergullarnos de cheo na historia e aprender moito máis sobre o seu pasado romano.
Pola mañá, tivemos a oportunidade de visitar dous museos da cidade, onde descubrimos marabillosos segredos, restos e curiosidades de como era a vida na antiga Lucus Augusti.
Pola tarde, cambiamos totalmente de época histórica e desprazámonos ata Outeiro de Rei para viaxar moitos millóns de anos atrás no tempo e coñecer de preto a fascinante era dos dinosaurios.
Foi un día cheo de aprendizaxe, convivencia e moita diversión. Pasámolo en grande aprendendo xuntos fóra da aula 
–
